“Istiqlol” Farg'ona viloyati kubogi sohibi!

Bir o'yinda g'alaba qozongan jamoalar keyingi bosqichga yo'llanma olishdi.

Dastlabki ikki bosqichdan eson-omon o'tgan to'rt jamoa esa final uchun kurash olib borishdi.

Birinchi yarim finalda “Beshariq” va Roshidon FK” jamoalari maydonga tushishdi. O'yin teng kurshalar ostida boshlanganiga qaramay, birinchi bo'limda beshariqliklar uchta gol kiritishga muvaffaq bo'lishdi. Ikkinchi bo'limda tarkibda bir qator o'zgarishlarni amalga oshirgan rishtonliklar penaltidan hisobni biroz qisqartirishdi. Ammo ikkinchi bo'lim o'rtalariga kelib maydon egalari to'rtinchi golga mualliflik qilishdi. Yakuniy hisob – 4:1. “Beshariq” finalga yo'l oldi.

Ikkinchi yarim final bahsi juda qiziqarli to's oldi. “Istiqlol” stadionidagi so'niy maydonda o'tkazilgan “Istiqlol” – “FarDu” bahsida beshta gol kiritildi. Gollarga boy bo'lgan bahsda “Istiqlol” 3:2 hisobida g'alabaga erishdi va finalga yo'l oldi.

29 sentyabr kuni esa Farg'onadagi “Istiqlol” stadionida musobaqaning hal qiluvchi o'yini o'tkazildi.

Final bahsida “Istiqlol” va “Beshariq” jamoalari kuch sinashishdi. Bu yil o'z oldiga jiddiy maqsadlarni qo'ygan “Istiqlol” jamoasi o'yinda katta tashabbusga ega bo'ldi va gollarga boy bo'lgan bahsda 5:2 hisobida g'alaba qozonib, viloyat kubogi sohibiga aylandi.

SHunday qilib, “Istiqlol” jamoasi 5-12 oktyabr kunlari Buxoro mezbonlik qiladigan viloyat Kubogi sohiblari o'rtasidagi musobaqaning final bosqichida ishtirok etadi.

G'olib jamoa birinchi ligaga yo'llanma beruvchi “pulka” bahslarida qatnashish imkoniyatiga ega bo'ladi. PFL mazkur musobaqa uchun klublarning badal pulini 2 100 000 so'm qilib belgilagan.

Farg'ona viloyati Kubogi bahslarida qayd etilgan natijalar bilan tanishing:

1/8 final
BO'SM-99 – Roshidon – 0:2
Yoshlik – Zafar – +:-
Fidokor – Qo'qon-1912 – 1:1 (pen ser 4:2)
Furqat – FarDU – 3:8
Neftchi -2 – Neftchi Farm klub – 1:1 (pen.ser 6:5)
Toshloq – Beshariq – 3:4
Marg'ilon FK – FNPZ – 0:2
Buvayda – Istiqlol – 2:5


CHorak final
Roshidon – Fidokor – 4:1
Istiqlol – Yoshlik – 6:2
Neftchi-2 – FarDU – 1:5
Beshariq – FNPZ – 2:1

Yarim final
Beshariq – Roshidon – 4:1
Istiqlol – FarDU – 3:2

 
Final
Istiqlol – Beshariq – 5:2.

 
Abror Dehqonov.

“Futbol Ekspress” gazetasidan olindi.