Prevyu. Xitoy - Suriya

Sianda ham bizni juda qiziqarli uchrashuv kutmoqda. Xitoy Suriyani qabul qiladi. Hozircha bu jamoalar bittadan ochko jamg'arishgan. Xitoyda o'tadigan bellashuv qaysidir jamoaning oldinga o'tishini taminlaydi. Durang qayd etilgan taqdirda buni Suriyaning foydasiga yozib qo'ysa bo'ladi. Saralash bosqichi start olishidan avval guruh autsayderi sifatida etirof etilgan jamoa hozircha bu gaplar noto'g'ri ekanini isbotlayapti. O'zbekiston va Janubiy Koreyaga qarshi o'yinlarda suriyaliklar yomon taassurot qoldirishmadi.

Aksincha, Xitoy kutilgan futbolni namoyish eta olmayapti. Avvalgi turda Eron bilan uydagi bahsda negadir xitoylik o'yinchilarning harakatlari qovushmadi. Balki, ortiqcha bosim ularga salbiy tasir qilgandir? Bunga javobni bugungi bellashuv beradi. Superliga va terma jamoaga sarflanayotgan katta miqdordagi pullar hozir o'yin sifatini yaxshilab bermagani ko'zga tashlanmoqda. Mehmonlar qarshi hujumlardan unumliroq foydalana olishsa, ularda zafar quchish uchun yaxshi imkoniyatlar yuzaga keladi. Biror jamoaning birinchi goli o'yin taqdirini hal etishi mumkin. Guruhimizdagi bellashuvlarda aynan shunday holatga guvoh bo'lyapmiz.

Jamoa yulduzlari: Zeng Zi - Umar Xarbin


Xitoy – Suriya
6 oktyabr 2016. Sian. "Shaanxi Province" stadioni. 16:35
Bosh hakam: Muhammad Taqi (Singapur)