90-yillar futboli. Xosep Gvardiola

Hozirgi kunda "Bavariya" klubi bosh murabbiyi sifatida ishlab kelayotgan ispaniyalik Xosep Gvardiola 1971 yilning 18 yanvarida Ispaniyaning Santpedor shahrida tug'ilgan. Futbolchilik faoliyatida himoyachi sifatida o'ynagan. U professional faoliyatini "Barselona" safida boshlagan. 1990 yildan 2001 yilga qadar Kataloniya klubida o'ynagan. 2001-2002 yilgi mavsumda Italiyaning "Breshia" klubida faoliyat olib borgan. 2002-2003 yilda "Roma"da, 2003 yilda yana "Breshia"da to'p tepgan. 2003-2005 yilda Qatarning "Al Ahli" klubida o'ynagan. Gvardiola faoliyatini 2006 yilda Meksikaning "Dorados" klubida tugatgan edi.

Ispaniya milliy terma jamoasi safida 47ta o'yin o'tkazib 5ta gol urgan.

Murabbiylik faoliyatini "Barselona B"da boshlagan. 2008-2012 yillarda "Barselona"da ishlagan. 2013 yildan buyon Germaniyaning "Bavariya" klubini boshqarib kelmoqda.

Futbolchilikdagi yutuqlari:
1992 yilgi Olimpiada o'yinlari g'olibi, 6 karra Ispaniya chempioni, 2 karra Ispaniya kubogi sohibi, 4 karra Ispaniya Superkubogi sohibi, ECHL g'olibi, Kubok egalari kubogi sohibi, 2 karra Evropa Superkubogi sohibi.

Murabbiylikdagi yutuqlari:
Jamoaviy: 3 karra Ispaniya chempioni, 2 karra Ispaniya kubogi sohibi, 3 karra Ispaniya Superkubogi sohibi, 2 karra ECHL g'olibi, 3 karra Evropa Superkubogi sohibi, 3 karra klublar o'rtasidagi Jahon chempionati g'olibi, 2 karra Germaniya chempioni, Germaniya kubogi sohibi.
SHaxsiy: 4 karra Ispaniyada yilning eng yaxshi murabbiyi, 2011 yil FIFA talqiniga ko'ra Jahonning eng yaxshi murabbiyi, 2 karra IFFHS talqiniga ko'ra yilning eng yaxshi murabbiyi, 2 karra World Soccer gazetasi talqiniga ko'ra eng yaxshi murabbiyi.

Suratda futbolchi Xosep Gvardiola Evropa CHempionlar ligasi va Evropa Superkubogi kuboklari bilan (1992 yil)

90-yillar futboli: 1999 yilgi ECHL finali

90-yillar futboli: Kristian Veri va Ronaldo

90-yillar futboli. Gollandiya-1995

90-yillar futboli: Terri Anri

90-yillar futboli. Alessandro Del Pero va Filippo Inzagi