FOTOMAQOLA. I love UZBEKISTAN

Bu jamoalarning Toshkentdagi so'nggi uchrashuvi 2015 yil 11 iyun kuni o'tkazilgan. O'sha bahs o'rtoqlik uchrashuvi maqomida o'tgan edi. Quyida ana o'sha o'yinni suratlar yordamida yodga olamiz.

O'rtoqlik o'yini
O'zbekiston - Eron 0:1
11.06.2015. "Bunyodkor" stadioni.
Bosh hakam: Vladislav Ceytlin.
Gol: Mehdi To'robiy (90)

O'zbekiston: 12.Ignatiy Nesterov, 3.SHavkat Mullajonov, 5.Anzur Ismoilov, 7.Aziz Haydarov (13.Lutfulla To'raev, 63), 8.Ikromjon Aliboev, 9.Odil Ahmedov (16.Fozil Musaev, 46), 11.Igor Sergeev (6.Bahodir Nasimov, 70), 14.SHuhrat Muhammadiev (Akmal SHorahmedov, 76), 15.Sardor Rashidov, 18.Zohir Qo'ziboev (17.Sanjar Tursunov, 44), 19.Vitaliy Denisov (22.Farruh Sayfiev, 46).

Zaxira: 1.Eldorbek Suyunov, 21.Akbar To'raev, 4.SHohruh Gadoev, 6.Bahodir Nasimov, 10.Jasur Hasanov, 13.Lutfulla To'raev, 16.Fozil Musaev, 17.Sanjar Tursunov, 20.Islom To'xtaxo'jaev, 2.Egor Krimec, 22.Farruh Sayfiev, 23.Akmal SHorahmedov.

Eron: 1.Alirizo Hagigi, 11.Voria, 3.Ehson Hajsafiy, 15. Pejman Muntazari, 5.Muhammad Husayni Xoni-Zodogon, 18. Said Izatulahiy, 14.Andranik Teymuryan, 7.Masud SHojai, 10.Vohid Amiri, 17.Taremi, 16. Rizo Guchanijod.

Zaxira: 12. Susha Makani, 22.Alirizo Biranvand, 9. Omid Ibrohimi, 19.Hoshim Begzohid, 20.Sardor Azmun, 21.Mehdi SHarifi, 23.Ramin Rizoin, 24.Milad Muhammadi, 4.Ezzatulloh Purga, 26.Mehdi Torabi, 8.Murtoza Puraliganji, 2.Husrav Haydariy, 30.Muhammadrizo Akbariy.

Ogohlantirishlar: Teymuryan (21), Mullajonov (43), Musaev (74)

Bugungi o'yin ham huddi o'tgan yilgidek  "Bunyodkor" stadionida bo'lib o'tadi.

O'zbekiston terma jamoasi tarkibida o'sha bellashuvni asosiy tarkibda boshlaganlardan Zohir Qo'ziboev, SHavkat Mullajonov, SHuhrat Muhammadiev va Ikrom Aliboevlar bugungi kunda terma jamoadan joy olishmayapti.

Eron tarkibida esa faqatgina Pejman Muntazori va Muhammad Husayni bugungi o'yin qaydnomasida yo'q.

Forslarda o'shanda ham, hozir ham bosh murabbiy Karlush Keyrush. Bugungi o'yindan keyin uning kursisi qimirlab qolsa ne ajab.

Bizda esa hozir sarbon o'zgargan. Bugungi kunda Mirjalol Qosimov o'rnini Samvel Babayan egallagan.

Forslar etakchisi Masud SHojai to'pni bizning etakchimiz Odil Ahmedovdan olib qo'yolmay yugurmoqda.

Bir yil oldingi uchrashuvda o'ng qanot himoyasi SHuhrat Muhammadievga ishonib topshirilgan edi. Bugungi kunda esa bu joyni Islom To'xtaxo'jaev "egallab olgan".

Vuriya G'ofuriy jarima zarbasini amalga oshirmoqda.

Sardor Azmun Farruh Sayfievga qarshi. Azmun o'tgan yili endigina tanila boshlagan edi, bir yilda o'yinda ham, mashxurlik bobida ham juda katta o'sishga erishdi.

Ishonamizki, Anzur Ismoilov bugun ham mana shunday "uchadi".

Azmun unumli foydalanilmagan imkoniyatdan so'ng...

Azmunga Rossiya chempionati va ECHLda muxlislik qilaman, lekin buguncha mana shunday "o'tirib qolsa" hursand bo'laman.

Bu esa zaxiradan tushgan Mehdi To'robiy 90+3 daqiqada g'alaba to'pini kiritganidan keyin kadr.

I love UZBEKISTAN

Tolibjon Qosimov