Andijon FK vakillari paxta yig'im-terimida ishtirok etishdi
/ Kiritdi: BestMaster O'qilgan: 1230
SHu kunlarda O'zbekistonda paxta terim avjiga chiqqan.
Kecha Andijon futbol klubi vakillari (rahbariyat, futbolchilar va ishchi xodimlar) Andijanka ayollar jamoasi, klubimiz tasarrufidagi Bolalar va o'smirlar futbol maktabining murabbiylari va yosh futbolchilari bir jamoaga aylanib, oq-oltinimiz bo'lmish paxta-2016 yig'im-terimida bevosita ishtirok etdi.
Milliy terma jamoamizning Eronga qarshi JCH-2018 uchinchi saralash bosqichi 3-tur o'yini tufayli chempionat bahslarida tanaffus elon qilingan edi.
Ushbu oraliqda burgutlar paxta yig'im-terimida bo'lib qaytdi.
Andijon viloyatining Izboskan tumanida joylashgan bo'limlarning birida jamoamiz terimchilari oq-oltinni sifatli terish jarayonida qatnashishdi. Bepoyon dalada klub rahbariyati, futbolchilar va ishchi xodimlar yonma-yon mehnat qilishib, yurtimizning paxta xirmoniga o'z ulushlarini qo'shishdi. Darvoqe, jamoamiz azolarining ko'pchiligi shu kuni xayotida ilk bor paxta yig'im-terimiga chiqqan bo'lsada, yakunda natija chakki bo'lmadi.
Bosh sahifaga
128