Fakt. Xitoy to'rtta o'yindan buyon yuta olmayapti

Raqibimiz kecha 3-turni o'z uyida Suriyaga qarshi o'tkazib 0:1 hisobida yutqazib qo'ydi. SHu tariqa, xitoyliklarning g'alabasiz seriyasi to'rtta o'yinga etdi.

Gao Xangbo shogirdlari so'nggi bor 3 iyul kuni Trinidad va Tobago jamoasiga qarshi o'rtoqlik uchrashuvida g'alaba qozonishgan edi - 4:2.

7 iyulda Qozog'iston bilan o'rtoqlik uchrashuvida Xitoy 0:1 hisobida yutqazgan.

JCH-2018 saralashi 3-bosqichi doirasidagi dastlabki uchta o'yinda ham chin yurti vakillari zafar qucha olishmadi: Janubiy Koreya (2:3) va Suriya (0:1) bilan mag'lubiyat, Eron bilan bahsda durang (0:0) qayd etildi.

Eslatib o'tamiz, O'zbekiston terma jamoasi rasmiy o'yinlardagi 9 o'yinlik g'alabali seriyasiga Eron chek qo'ydi.

O'zbekiston va Xitoy o'rtasidagi o'yin 11 oktyabr kuni soat 18:00da "Bunyodkor" stadionida boshlanadi.