“Bunyodkor” FK vakillari paxta yig'im-terimida ishtirok etishdi

Milliy terma jamoamizning Baxraynga qarshi JCH-2018 va Osiyo Kubogi-2019 saralash bosqichi doirasidagi uchrashuvi tufayli chempionat bahslarida tanaffus elon qilingan edi.

Ushbu oraliqda “qaldirg'ochlar” paxta yig'im-terimida bevosita ishtirok etishdi. “Bunyodkor” FK murabbiylari va futbolchilari 2 oktyabr kuni Toshkent viloyati, “CHinoz” tumanidagi “Do'stlik” fermer-xo'jaligiga qarashli maydonda etishtirilgan oq-oltinni sifatli tarzda terish jarayonida qatnashishdi. Qayd etish kerakki, klub vakillarining ushbu tashabbusi fermer-xo'jaligi xodimlarini xursand qildi. Bepoyon dalada sport sohasi va qishloq xo'jaligi xodimlari yonma-yon mehnat qilishib, yurtimizning paxta xirmoniga o'z ulushlarini qo'shishdi.

Akbar TO'RAEV (“Bunyodkor” darvozaboni):
- O'zbekiston istiqboli uchun shu yurtda tug'ilgan har bir inson qo'lidan kelganicha o'z ulushini qo'shishi kerak, deb bilaman. Vatan menga nima berdi emas, balki men Vatanga nima berdim, deb yashamog'imiz kerak. CHempionatda yuzaga kelgan tatildan foydalanib, jamoadoshlarim bilan birgalikda dalaga chiqdik va qishloq xo'jaligida mehnat qilayotgan insonlarga ko'maklashdik. Paxta – bu yurtimiz boyligi. Mashaqqatli va sharafli ishda ishtirok etganimdan xursandman.

Rustamjon ASHURMATOV (“Bunyodkor” himoyachisi):
- Xalqimizda yigit kishiga qirq xunar ham oz, degan gap bor. Paxta yig'im-terimida birinchi bor ishtirok etishim. Yurtimizning paxta xirmoni boyligiga o'z ulushimni qo'shganimdan juda-juda baxtiyorman. SHu yurtda sog'-salomat o'sib-ulg'ayyapmiz. SHunday ekan, tinch va farovon zaminimiz uchun har qancha xizmat qilsak oz, deb o'ylayman.

Minori SATO (“Bunyodkor” yarim himoyachisi):
- Bugun futbolchi ekanligimni bir kunga unutib, o'zimni qishloq xo'jaligida sinab ko'rdim. Ochig'ini aytsam, yoshligimda ko'p bora dalaga chiqardim. CHunki oilamiz vakillari dehqonchilik bilan shug'ullanishgan. Mashg'ulotlardan bo'sh vaqtimda ularga ko'maklashar edim. SHu boisdan ham bugun men yana eski xotiralarimni yodga oldim. Qisqa qilib aytadigan bo'lsam, paxta yig'im-terimi menda juda yaxshi taassurot qoldirdi.

Ivan MILOSHEVICH (“Bunyodkor” yarim himoyachisi):
- O'zbekistonda ikki yildan beri istiqomat qilib kelyapman. Jannatmakon yurtingizni o'zimning ikkinchi uyim deb bilaman. Bu zaminni etiborga molik juda ko'p joylarida bo'lganman. Mana bugun jamoadoshlarimiz bilan paxta terimida ishtirok etdim. Bu jarayonda ilk bor ishtirok etgan bo'lsam-da, sheriklarimning ko'magida terimni osonlik bilan o'zlashtirib oldim. Ushbu fermer xo'jaligiga tashrifimiz bu erdagi insonlarni ham xursand qildi. Tushlik paytida ular bilan bir dasturxon atrofida o'tirib, yaqindan tanishib ham oldik. Yangi do'stlarga ega bo'ldim.