Abdumalik Abdullaev: "Buxoro"ni mag'lub etishimiz shart"

Ayni paytda "lochinlar" musobaqa jadvalida 22 ochko bilan 13-pog'onani egallab turibdi. Quyidagi uch jamoa imkon qadar "Navbahor"ga yaqinlashishga urinmoqda. Oldindagi uchrashuvda Namangan jamoasini faqat g'alaba qanoatlantiradi. Jamoa hujumchisi Abdumalik Abdullaevning "Buxoro"ga qarshi uchrashuv oldidan fikrlari bilan qiziqdik.

- Oldinda bizni o'ta muhim hamda qiyin uchrashuv kutib turibdi, - deb gap boshladi forvard.

- "Buxoro" yaxshi shakllangan jamoa. Birinchi davra "Andijon"da safida o'ynab yurgan kezlarida Buxoroda juda qiyin bo'lgandi va jamoamiz yirik mag'lubiyatga uchragandi. To'g'ri, Buxoroda bu jamoaga qarshi o'ynash juda mushkul. Lekin biz o'z maydonimizda o'ynaymiz. So'nggi o'yinlarda mehmonda ham, o'z uyimizda ham ochkolarni boy berib qo'ydik. Endi yo'qotilgan ochkolarni qoplashimiz lozim. SHu o'rinda muxlislarimizni yana o'yingohga chorlab qolardim. Namanganda yana ikkita o'yinimiz qoldi, xolos. SHu bois ikki uchrashuvda ham maksimal natijaga erishishimiz shart, aks holda o'ta qiyin vaziyatga tushib qolamiz, - deydi Abdullaev.