Rossiya - Kosta-Rika uchrashuvining barcha chiptalari sotildi
/ Kiritdi: BestMaster O'qilgan: 1031
Rossiya terma jamoasining Kosta-Rikaga qarshi o'rtoqlik uchrashuviga chiqarilgan hamma chiptalar sotib bo'lindi, deya xabar bermoqda "Krasnodar" klubining marketing bo'limi rahbari Vadim Voinov.
- O'yinga chiqarilgan barcha chiptalar sotib bo'lindi. G'aznada chiptalar qolmagan, barchasi tugadi. Rossiya - Kosta-Rika uchrashuvida stadion liq to'lishi aniq.
Eslatib o'tamiz, Rossiya - Kosta-Rika uchrashuvi 9 oktyabr kuni Krasnodardagi yangi qurib bitkazilgan stadionda bo'lib o'tadi.
Ushbu stadion o'z bag'riga 34 291 nafar tomoshabinni sig'dira oladi.
Ushbu bellashuvni hamyurtimiz FIFA referisi Ravshan Ermatov boshchiligidagi hakamlar guruhi boshqarib boradi.
Bosh sahifaga
145