O'zbekiston U-19 saralash turnirini yirik hisobdagi g'alaba bilan boshladi
/ Kiritdi: BestMaster O'qilgan: 1348
O'zbekiston U-19 terma jamoasi U-19 yoshlar o'rtasidagi Osiyo chempionati saralash turniri ilk uchrashuvida Butan yoshlar terma jamoasini yirik – 7:0 hisobida mag'lub etdi.
Bangladesh poytaxti Daka shahrida davom etayotgan saralash turnirida bugun 1-tur uchrashuvlari bo'lib o'tdi. Jasur Abduraimov bosh murabbiyligidagi O'zbekiston yoshlar terma jamoasi guruhning ilk uchrashuvida Butan yoshlariga qarshi maydonga tushdi. Uchrashuvda katta ustunlikka erishgan O'zbekiston yoshlari yakunda yirik – 7:0 hisobida g'alaba qozonishdi.
O'yinning birinchi bo'limida ikkita gol kiritgan Jasur Abduraimov jamoasi ikkinchi bo'limda Butan yoshlari darvozasiga javobsiz beshta gol kiritishdi.
Guruhning ikkinchi o'yinida Bangladesh yoshlar terma jamoasi SHri-Lankani 2:0 hisobida mag'lub etdi.
U-19 yoshlar o'rtasidagi OCH saralash.
“A” guruhi, 1-tur.
O'zbekiston U19 - Butan U19 - 7:0
Gollar: Husniddin G'ofurov (43), SHarof Muhiddinov (45), Sanjar Qodirqulov 54, Bobur Abduxoliqov (72, 80), Saidjamol Davlatjonov (88), Nurillo To'xtasinov (90+3).
O'zbekiston U19: 1.Umidjon Hamroev, 2.Islomjon Qobilov, 3.Husniddin G'ofurov, 4.Hushnudbek Avilov, 6.Azizjon G'aniev, 7.Nurillo To'xtasinov, 8.SHarof Muhiddinov, 9.Sanjar Qodirqulov (Bobur Abduholiqov, 64), 10.Doston Ibragimov (Saidjamol Davlatjonov, 46), 14.Hojiakbar Alijonov, 16.Begzod G'anijonov (Suhrob Nurulloev, 43).
Bosh sahifaga
246