Prevyu. Qatar - Suriya

Ayni paytda guruhda eng pastki ikki pog'onani egallab turgan jamoalar Doxada to'qnash kelishadi. 

Qatar dastlabki uchta o'yinning barchasida mag'lub bo'ldi. Ilk turda Eron mehmoni bo'lib 0:2 hisobida yutqazdi. Keyin o'z maydonida O'zbekistonga 0:1 hisobida mag'lub bo'ldi. So'nggi turda Janubiy Koreya bilan bahsda 2:3 hisobi qayd etildi. 

Suriya birinchi turda Toshkentda O'zbekistonga mag'lub bo'ldi - 0:1. Ikkinchi turda Janubiy Koreya bilan durang qayd etdi - 0:0. O'tgan turda Xitoy mehmoni bo'lgan suriyaliklar 1:0 hisobida g'alaba qozonishdi. 

Qatar va Suriya shu kunga qadar 9 marta to'qnash kelishgan. 

4ta o'yinda Qatar, 2ta o'yinda Suriya g'olib bo'lgan. 3ta uchrashuv durang hisobi bilan yakunlangan. 

So'nggi bor bu ikki jamoa 2009 yilda o'rtoqlik uchrashuvida o'ynashgan. Suriyada o'tgan mazkur bahsda Qatar 2:1 hisobida zafar quchgan. 

Qatar - Suriya 

11 oktyabr 2016. Doxa. "Jassim Bin Hamad" stadioni. 21:00 (Toshkent vaqti)

Hakamlar: Ahmad Bakar Al Kaf, Abu Bakar Al Amri, Rashid Hamid Ali Gaitxi (barchasi Ummon)