Gao Xongbo: "Biz har bir o'yinga g'alaba uchun tushamiz"

Unga jamoa sardori Feng Ksiaoting hamrohlik qildi.

- Avvalo Xitoy OAV shuncha uzoq yo'l bosib kelishgani uchun alohida tashakkur aytaman. Ertaga ikkala jamoa uchun ham qiyin va murabbiy bahs bo'ladi. Jang Lingpeng sariq kartochkalar ikkitaga etgani bois maydonga tusha olmaydi. U Xitoyda qoldi, qolgan barcha futbolchilar Toshkentga kelishdi. O'yinchilar ertangi bahsga tayyorlar. Keyingi o'yinlarda kerakli natijalarga erishishga umid qilamiz, - deydi Gao Xongbo.

- O'z maydonimizdagi o'yindan so'ng uzoq yo'l bosib O'zbekistonga keldik. Suriyaga qarshi bahsdan so'ng ertangi o'yinga tayyor holda keldik. O'zbekiston kuchli va tajribali jamoa hisoblanadi - deydi Feng Ksiaoting.

Xitoylik jurnalist savoli: - 3-turdan so'ng Xitoy terma jamoasining guruhdagi ahvoli juda ham yomon. Keyingi o'yinlardan oldin fikrlaringiz qanday?

- Uchta turdan so'ng bu bosqichdagi jamoalar juda ham tez futbol ko'rsatishayotganini ko'rish mumkin. Barcha jamoalar jarima maydoni atrofida va uning ichida samarali o'ynashmoqda. SHularni tahlil qilib chiqdik. 

Xitoylik jurnalist savoli: - Bundan keyingi o'yinlar butkul boshqacha saviyada o'tadi. Jamoa sardori sifatida sheriklaringizga qanday yordam berasiz? 

Feng Ksiaoting: - Bu bosqichda har bir jamoa kuchli va malakali. Jamoadoshlarim bilan birga bu o'yinlardan oldin ko'proq suhbat qurishim va g'alaba uchun intilishimiz kerak.

- Siz Xitoy bosh murabbiyi sifatida oldin bitta g'alaba va bitta durangga erishgansiz. Ertangi o'yinlardan oldin bu sizga yordam beradimi?

- Bu bosqichda har bir o'yinda g'alaba qozonish kerak. Oldingi natijalar qanday bo'lsa ular tarixda qolgan.

- O'tgan turda Xitoy o'z uyida Suriyaga yutqazdi. Bu futbolchilarning o'ziga bo'lgan ishonchni yo'qotishiga sabab bo'lmaydimi?

- Birinchi navbatda uchinchi bosqichga chiqqanidan baxtiyormiz. Buning uchun borimizni berib harakat qilgandik. Har bir o'yinga g'alaba uchun maydonga tushamiz. Ha, o'tgan o'yinda yutqazdik. Futbolchilarning hafsalasi pir bo'lgan bo'lishi mumkin. Ammo shogirdlarim bunday vaziyatdan chiqib keta olishadi.

- Bosh murabbiyning O'zbekiston terma jamoasi haqidagi fikrlarini bilmoqchi edim. Bundan tashqari Eron bilan o'yinda O'zbekiston qaysi jihatlarda imkoniyatni boy berdi deb hisoblaysiz?

- Bizning murabbiylar shtabimizda texnik guruh mavjud. Bu guruh bizga Eron bilan o'yinni kuzatdi va tahlillar qilib chiqishdi. O'zbekiston terma jamoasi safida Xitoy Superligasida o'ynaydigan futbolchilar bor. Ular sizlarga yordam berishi mumkin. Bizda esa bunday futbolchilar yo'q. O'zbekiston safida 9 va 15-raqamli futbolchilar xavfli. Lekin 15-raqamli futbolchi ertaga maydonga tushmaydi.

Narzulla Saydullaev