"Navbahor": Nazorat bahsida yashillar g'olib

Asosiy tarkib vakillari asosan yoshlar jamoasi safida shug'ullanayotgan futbolchilar bilan kuch sinashishdi. Bahs futbolchilarning o'yin amaliyotini bir maromda ushlab turish uchun tashkil etilganligi sababli bo'limlar 30 daqiqadan iborat bo'ldi. Nazorat o'yinining birinchi bo'limida Vladislav Aleksin “yashillar” safida harakat qilib, asosiy tarkib azolari darvozasiga ikkita gol urishga erishdi. Ikkinchi bo'lim davomida darvozalarni nishonga olish uchun har ikki tomonda imkoniyatlar yuzaga keldi. Xususan Aleksinda Parvanov darvozasini nishonga olish uchun ham imkoniyat yuzaga kelgandi. Lekin, gol kuzatilmadi va nazorat bahsida “yashillar” 2:0 hisobida g'olib bo'lishdi. Mazkur o'yinning ikkinchi bo'limida yoshlar safida “Navbahor” futbol klubiga qarashli “Navbahor-Umid” futbol maktabining iqtidorli tarbiyalanuvchilari ham maydonga tushishdi. Etiborli jihati, yoshlar o'zlarini yo'qotib qo'yishmadi va ko'pchilikda iliq taassurot qoldirishdi.
Nazorat bahsida jamoalar tarkibi quyidagicha ko'rinishga ega bo'ldi.

“Qizillar”: Aleksandr Korniychuk, Tohir SHamsitdinov, Qahramon Mahammadjonov, Murod To'ychiboev, Azizbek Mamazoyitov, Dilshod Jabborov, Alisher Mahmudov, Akram Bahriddinov, Dordji Sangadjiev, Islom Isoqjonov, SHohjaxon Abbosov (Vladislav Aleksin).
“Yashillar”: Artur Parvanov, Javohir Olimjonov, Ruslan Vagapov, SHahzodbek Hamidov, G'olibbek Karimov, Bilol SHarofiddinov, Azizbek Turg'unboev, Ahmad Mamadaliev, G'ayrat Jo'raev, Akbarali Xoldorov, Vladislav Aleksin. Zaxiradan maydonga tushganlar: Ilhom Aliboev, Abdulaziz Jalilov, Xusan G'aniev, Otabek Davlatov, Ayub Jo'raev, Bekzod Tursunov, Farruh Umaraliev, Abdurauf G'ulomov, Islom Karimov.