Sanjar SHoahmedov: "Gol ursam xalqimga bag'ishlayman"

"Yaxshi kayfiyatda mashg'ulotlarni davom ettirmoqdamiz. Tayyorgarliklar qizg'in o'tmoqda. Bizni oldinda masuliyatli o'yin kutib turibdi. Bahrayn bilan bo'ladigan bahsda faqat g'alaba bizga kerak. Bizning bosh maqsadimiz ham safardan uch ochko olib qaytish. Yig'inga jalb etilgan barcha futbolchilar asosiy tarkibda o'ynash uchun tayyor deb o'ylayman. Barcha futbolchilar mashg'ulotlarda katta kuch bilan shug'ullanishmoqda. Terma jamoaning asosiy tarkibiga kirish uchun shaxsan men ham mashg'ulotlarda ter to'kmoqdaman. Buning uchun ham jismonan, ham ruhan tayyorgarlik olib boryapman. Barchaning kayfiyati alo, hammasiz o'zaro do'stona aloqalarni o'rnatib olganmiz. Ichki muhit juda ajoyib darajada. G'alaba to'pi? Agarda Bahraynga qarshi o'yinda maydonga tushib g'alaba to'pini ursam, bu golni butun o'zbek xalqiga bag'ishlagan bo'lardim", - deydi Sanjar SHoahmedov.

SHahboz Beg'amov suhbatlashdi.