OFK prezidenti: "Bahrayndagi musobaqa yangi yulduzlar uchun poydevor bo'lishiga ishonaman"
/ Kiritdi: BestMaster O'qilgan: 998
Xabaringiz bor, bugun Bahrayn poytaxti Manama shahrida hisob bo'yicha 39-yoshlar o'rtasidagi Osiyo chempionati boshlanadi.
Ushbu musobaqadan oldin OFK prezidenti SHayx Salmon bin Ibrohim Al Xalifa OFK rasmiy saytiga o'z fikrlarini bildirdi.
"OFK so'nggi yillarda barcha musobaqalarni jamoalar va futbolchilar uchun qulay sharoitlarda o'tkazmoqda. Osiyo qitasi ko'plab qobiliyatli futbolchilarga ega. Bahrayndagi U-19 Osiyo chempionati yangi yulduzlarga poydevor vazifasini o'tab berishiga ishonaman. Osiyo jamoalari Jahon arenalarida munosib ishtirok etishlariga zamin yaratilmoqda.
Osiyo chempionatida ishtirok etadigan barcha jamoalarga omad tilayman. Musobaqa tashkiliy qo'mitasiga minnatdorchilik bildiraman. Yoshlar o'rtasidagi Osiyo chempionati qitadagi eng tarixiy musobaqalardan biri hisoblanadi", - deydi OFK prezidenti.
Yoshlar o'rtasidagi Osiyo chempionati 1959 yilda ilk bor o'tkazilgan. Janubiy Koreya yoshlari 12 marta chempionlikka erishib bu borada peshqadam. O'zbekiston yoshlari 2008 yil Osiyo chempionati finalida ishtirok etib kumush medallarga ega chiqishgan. Yoshlarimiz 3 marta to'rtinchi o'rin olishgan.
Bosh sahifaga
200