Akmal Bozorov: Dinamo oliy ligaga chiqdi, deyishga hali erta

O'yindan keyin jamoa sardori klub rasmiy saytiga o'yin borasidagi fikrlari bilan o'rtoqlashdi.

- Orol jamoasi so'nggi ikki o'yinda raqiblar darvozasiga 14 ta gol urganidan xabarimiz bor edi. Bu raqibga qarshi himoyada ishonchli o'ynab, hujumda samaraliroq to'p surishimiz talab etilardi. O'ylaymanki, o'yinda kiritgan tezkor golimiz yirik hisobdagi g'alabamiz uchun katta yordam berdi - deya gap boshladi Akmal Bozorov.

- 6:1 hisobidagi g'alaba bilan yakunlangan o'yinni Dinamoning joriy yildagi eng chiroyli o'yini desa bo'ladimi?

- Butun jamoamiz murabbiylar ko'rsatmasini to'g'ri bajarishga intildi. CHindanam eng yaxshi o'yinlarimizdan birini ko'rsatdik deb o'ylayman. Qolgan o'yinlarda ham mana shu tempni saqlagan holda to'p sursak, maqsadimizga etishamiz.

- Dinamoning g'alabali seriyasi 23 o'yinga etdi. Jamoa 70 ochko jamg'arib, yaqin taqibchisini 8 ochkoga ortda qoldirmoqda. Qolaversa, zaxirada yana bitta o'yin bor. SHundan kelib chiqib, Dinamo Oliy Liga masalasini amalda hal etdi, desa bo'ladimi?

- Bu fikrga qo'shilmagan bo'lardim. Dinamo Oliy Ligaga chiqdi deyishga hali erta. CHunki oldinda yana 7 ta o'yin bor. Ushbu bahslar asosiy raqobatchilarimizga qarshi o'tadi. SHunday ekan, ayni damdagi 8 ochkolik farq unchalik katta emas, deb o'ylayman. Qolgan bahslarda ham hushyorlikni yo'qotmay, faqat g'alaba uchun to'p surishda davom etishimiz shart. Muxlislarlarimiz doimgidek qo'llab-quvvatlab turishsa, Dinamo bilan yana Oliy Ligaga qaytamiz.

Usmon IBODOV suhbatlashdi.