EPLMANAGER: Siz xarid qilishingiz va sotishingiz kerak bo'lgan 5 futbolchi 1-qism

EPLMANAGER foydalanuvchilari esa tarkibda kimni sotishni va qaysi futbolchini xarid qilish kerak deb boshlari qotgan. Biz bu borada fentezi-futbol jamoalari egalariga yordam berishga qaror qildik.

SOTIB OLING

"CHelsi" - "Lester Siti"

Diego Kosta

"CHelsi" joriy mavsumni yaxshi boshladi deya olmaymiz. Bazi futbolchilar xatto o'tgan mavsumdagidek harakat qilishda davom etishmoqda.

Ammo Kosta deyarli bir o'zi jamoasi uchun ochko ishlashda davom etmoqda. Ispaniyalik etti o'yinda 6 ta gol urishga muvaffaq bo'ldi va navbatdagi bahsda ham golli seriyasini to'xtatmasa kerak.

"Arsenal" - "Suonsi Siti"

Santi Kasorla

Ispaniyalik yarim himoyachi Premer-ligada faqat Jordan Xendersondan muvaffaqiyatli paslar soni bo'yicha ortda qolmoqda. Uning uzatmalari golli vaziyatlar keltirib chiqarishi ehtimoli katta.

"Vest Bromvich" - "Tottenxem"

Tobi Alderveyreld

SHanba kuni "Tottenxem"ni ikkinchi qavatdan "o'qqa tutishadi" va Yan Vertongen hamda Tobi Alderveyreldlar o'z jamoalariga katta yordam berishi mumkin.

Ikkinchi qavatda Tobi Solomon Rondonga imkon bermasligi mumkin, chunki joriy mavsumda Alderveyreld havodagi 13 ta kurashning 9 tasida raqibga to'pni bermagan. SHu bilan birga, himoyachi standartlarda o'zini ko'rsatishi ham mumkin.

"Manchester Siti" - "Everton"

Serxio Aguero

Aguero kamdan-kam holatlarda ketma-ket ikki uchrashuvda gol ura olmaydi. Argentinalik o'ziga kelib olish uchun "Everton"ga qarshi bahsda raqib darvozasini nishonga olishga bor kuchi bilan harakat qiladi.

"Sautgempton" - "Byornli"

Dushan Tadich

Tadich o'z terma jamoasi safida "Avstriya"ga qarshi bahsda 1ta gol urda va 2ta golli pas berdi.

"Sautgempton" pleymeykeri joriy mavsumda vaziyatlar yaratish bo'yicha Premer-liganing eng yaxshi uchinchi futbolchisi bo'lib turibdi.