No'mon Hasanov: "Hisob o'yinga yarasha bo'ldi, maqsadimiz oliy ligada qolish"
/ Kiritdi: BestMaster O'qilgan: 988
"Lokomotiv" - "Qo'qon-1912" (4:0) uchrashuvidan so'ng mehmonlar ustozi o'z fikrlarini bildirdi.
"Birinchi bo'limda o'yinimiz qovushmadi, futbolchilarimiz o'zlarini yo'qotib qo'yishdi. Hisob o'yinga yarasha bo'ldi. "Lokomotiv" safida terma jamoada o'ynaydigan ko'plab futbolchilar bor.
Sobir Hamidov ortiqcha vaznga ega emas. Uning tana tuzilishi shunday. Bugungi mag'lubiyatda uning aybi yo'q. Sobirni gavdali yigit ekanligini bilib uni jamoamizga olganman.
Nosir Otaqo'ziev oxirgi 20 daqiqada charchab qolganini ko'rib uni almashtirdim. Bunga qadar yaxshi o'ynab kelayotgandik, ammo "Lokomotiv" baribir kuchli. Maqsadimiz oliy ligada qolish, shu sababli ham jamoaga kelganman.
Men ham jamoada kuchli va tajribali futbolchilar bo'lishini istardim. Ammo yozgi tanaffusda ko'plab futbolchilar boshqa jamoalarga o'tishga qaror qilishdi. Masalan, Anvar G'ofurovni chaqirgandim, u "Obod"ni tanladi. Bu futbolchilarning qarori uni hurmat qilamiz", - deydi Hasanov.
"Qo'qon-1912" matbuot xizmati
Bosh sahifaga
391