Bugun futbol. "Neftchi" - "Paxtakor"

Oliy liga. 25-tur
NEFTCHI - PAXTAKOR
Bosh hakam: Ilgiz Tantashev
Boshlanish vaqti: 16:00

Turnir jadvalidagi o'rni: "Neftchi" 11-o'rinda (28 ochko), "Paxtakor" 6-o'rinda (41 ochko).
Ochkolar orasidargi farq - 13 ochko.

Tarif: Avvallari qaerda bo'lmasin, "Paxtakor" va "Neftchi"ning o'zaro qarama-qarshiligi doim murosasiz kechardi, o'yinni ko'rish uchun muxlislar ham ko'p kelardi. Lekin oxirgi yillarda bunday deb bo'lmaydi. Bugungi uchrashuvga qiziqish qay darajada? Birinchi davra bahsida "Neftchi"ning 2:1 hisobida g'alaba qozonib ketganini hisobga olsak, bugun "Paxtakor" o'sha mag'lubiyat alamini olishga harakat qiladi. Farg'onaliklar esa Toshkentdagi g'alaba tasodif bo'lmaganini isbotlashga intilishadi.

Fakt: "Neftchi" ikkinchi davrani bir tekis o'tkaza olmayapti. Jamoa to'qqizta o'yin o'tkazgan bo'lsa, shundan faqat ikkitasida g'alaba qozondi. Bir bor durang o'ynab, oltita bellashuvda mag'lub bo'ldi. "Neftchi"ning ikkinchi davradagi ikkita g'alabasi "Bunyodkor" va "Olmaliq" bilan bo'lgan bahslarda qo'lga kiritilgan.

Fakt: "Paxtakor" oxirgi uch o'yinni ketma-ket g'alaba bilan yakunladi. Umuman olganda "paxtakorchilar" oxirgi besh o'yinda 12 ochko to'plashning uddasidan chiqishdi. Hozirda jamoaning kayfiyati yuqori va mavsumni kuchli to'rtlikda yakunlashni o'ylamoqda.

Fakt: Toshkentda bo'lib o'tgan birinchi davrada o'yinida "Neftchi" 2:1 hisobida g'alaba qozongan. Murod Bobojonov va Otabek Isroilovning gollariga maydon egalari safida Jaloliddin Masharipov javob qaytargan.