Timur Kapadze: “Masalani birinchi bo'limda hal qildik”
/ Kiritdi: BestMaster O'qilgan: 1121
Toshkentning “Lokomotiv” klubi o'z uyida Qo'qonning “Qo'qon-1912” jamoasini qabul qilib yirik 4:0 hisobida mag'lub etdi.
O'yindan so'ng “Lokomotiv” klubi futbolchisi Temur Kopadze o'z fikrlarini bildirdi.
“To'g'ri, ikkita Toshkent derbisida kerakli bo'lgan ochkolarni yo'qotganimizdan so'ng, kayfiyatimiz biroz tushdi. “Obod” va “Paxtakor” jamoalari bilan bo'lgan bahsda 5 ochko yo'qotganimiz tufayli, bizni taqib qilib kelayotgan jamoa bilan oramizdagi ochkolar farqi 5 ochkoga etgandi.
Jamoadoshlarim Sekin-asta optimal sport formasiga kirib bormoqda. “Qo'qon-1912” jamoasi bilan bo'lib o'tgan o'yinda masalani birinchi bo'limdayoq hal qildik. Biz uchun u darajada qiyin o'yin bo'lmadi. Endi “Mashal”, “Buxoro” va kubok bahsida ham maydonga tushishimiz kerak. Terma jamoaga jalb qilingan futbolchilar zaxirada qoldirildi. Ularga biroz dam berildi. Har bir o'yinda g'alaba qozonsak oldimizga qo'yilgan vazifani uddalaymiz deb o'ylayman. Biz uchun ob-havo noqulaylik tug'dirmadi. Futbol o'ynaydigan havo bo'ldi”, - deydi “Lokomotiv” jamoasi sardori Temur Kapadze.
Jahongir Sotvoldiev
Bosh sahifaga
538
4 Sentabr 2026, 06:06