Jasur Abduraimov: “Futbolchilar bugun iroda ko'rsatishdi”

Manama. Bahrayn.

"Khalifa Sport City" Stadium.

O'yindan keyingi matbuot anjumani.

“Birinchi bo'limda o'yinimiz qovushmadi. Ammo, ikkinchi bo'limda futbolchilar qanday harkat qilish kerakligini his qilishdi va yakunda biz g'alaba qozondik. Bugun Tojikiston himoyaviy, pozicion hujumlarga etibor bergan holda, yaxshi taktika namoyish etishdi. Biz esa, asosan hujumda o'ynadik. O'yinda hisobda ortda qolayotganiga qaramay, iroda ko'rsatganlari uchun futbolchilarga rahmat aytishim lozim. Bugungi o'yinda, o'yin davomida yaxshiroq va kuchliroq bo'lgan jamoa g'alaba qozondi”.

“Bu guruh turnirdagi eng kuchli guruhlardan biri. Avval ham shu haqda aytgan edim, hozir ham aytishim mumkinki, bu guruhdagi barcha o'yinlar juda qiziqarli o'tadi.  Keyingi o'yin Avstraliyaga qarshi va bu o'yinga ham bugungidek yaxshi tayyorgarlik ko'ramiz. Biz raqibga qarab taktika tanlaymiz va raqib uslubidan kelib chiqib o'ynashga harakat qilamiz. O'zini kuchli deb hisoblaydigan har qanday jamoa har qanday raqibga qarshi turli xil taktilarni sinashga tayyor turishi va ularga qarshi turli uslublarda o'ynay olishi kerak”, - dedi O'zbekiston U-19 terma jamoasi bosh murabbiyi.

Vitaliy Levchenko (Tojikiston U-19 terma jamoasi bosh murabbiyi):

“Biz uchun juda omadsiz o'yin. Biz uchun muhimi, bugungi o'yinni unutib, keyingi o'yinlarga bundan yaxshiroq tayyorgarlik ko'rishimiz kerak. O'yinning birinchi qismida yaxshi o'ynadik, ammo keyinroq, O'zbekiston ustunlikni o'z qo'liga oldi va o'yinda g'alabaga erishdi. Bugungi g'alaba bilan bizning raqibimizni tabriklayman”.