Bobur Yo'ldoshev 329 kundan so'ng yana oliy ligada maydonga tushdi
/ Kiritdi: BestMaster O'qilgan: 1101
"Lokomotiv" oliy liganing o'tgan turida "Qo'qon-1912"ni 4:0 hisobida mag'lubiyatga uchratdi.
Bu o'yinda 329 kunlik tanaffusdan so'ng nihoyat Bobur Yo'ldoshev maydonga tushib, "temiryo'lchilar"ning g'alabasiga munosib hissa qo'shdi.
SHuni aytish lozim, iqtidorli himoyachi oxirgi marta o'tgan yil 30-turda "Navbahor"ga qarshi bahsda ishtirok etgandi. 21 noyabr kuni bo'lib o'tgan o'sha bahsda "Lokomotiv" 3:2 hisobida g'alaba qozongandi.
Keyinchalik Bobur Yo'ldoshev tibbiy ko'rikdan o'ta olmagani uchun joriy mavsumning yarmini o'tkazib yubordi va birinchi davradan keyin unga shifokorlar maydonga tushishiga ruxsat berishdi. O'yindan keyin tashkil etilgan matbuot anjumanida "Loko" bosh murabbiyi Andrey Miklyaev Bobur Yo'ldoshev ancha yaxshi harakat qilganini hamda uning qaytishi himoyadagi raqobatni oshirishga xizmat qilishini aytib o'tdi.
Bosh sahifaga
208
