"EPL Manager": Sakkizinchi tur sharhi

8-tur uchrashuvlarini "CHelsi" - "Lester Siti" bahsi ochib berdi. Premer-liganing amaldagi chempioni birinchi etti turda bor-yo'g'i 7 ochko ishladi va navbatdagi bahs ham "tuliklar"ning mag'lubiyati bilan yakunlandi. Antonio Konte jamoasi Klaudio Raneri shogirdlarini 3:0 hisobida taslim etdi. Diego Kosta, Azar va Viktor Mozeslar o'z hisobiga gol yozdirib qo'ydi.

"Bornmut" va "Xall Siti" uchrashuvida kutilmagan natija qayd etildi. "Olchalar" "Xall" darvozasiga 6 ta gol urishdi, mehmonlar esa bor-yo'g'i bitta gol bilan javob qaytarishdi.

Maurisio Pochettinoning "Tottenxemi" chempionatdagi uchinchi durangni qayd etdi. 80 daqiqalik golsiz o'yindan so'ng, Nosir SHadli hisobni ochdi. "SHpor"lar yarim himoyachisi Dele Alli esa hisobni tenglashtirdi va jamoalar murosa ko'chasini tanlashdi.

"Arsenal" esa ajoyib formada. Arsen Venger shogirdlari "Suonsi"ni qiyinchilik bilan mag'lub etishdi (3:2).

"Manchester Siti" hamda "Everton" o'rtasidagi bashda Martin Stekelenburg uchrashuvning asosiy qahramoniga aylandi. U Serxio Aguero va Kevin De Bryuynening 11 metrlik zarbalarini qaytarishga muvaffaq bo'ldi. O'yin 1:1 hisobida yakunlandi.

Turning eng kutilgan uchrashuvi "Liverpul" - "Manchester Yunayted" bahsi edi. Yurgen Klopp shogirdlari o'yinda ustunlik qilishdi, ammo David De Xeaning seyvlari qizillar gol urishiga imkon bermadi. Uchrashuvda nursiz durang qayd etildi.

8-tur bilan birga "EPLMANAGER"da yana bir sovrinli liga ham o'z yakuniga etdi. "Galaxy League" g'olibi Indoneziyadan "Oplet" jamoasi egasi bo'ldi. U o'zbekistonlik "Shaxiiiii" bilan teng ochko to'pladi, ammo sayt qoidalariga ko'ra indoneziyalik g'olib deb topildi (gollar soni bo'yicha).

Kuchli o'nlikdagi eng ko'p jamoa O'zbekistondan bo'ldi.

Turning eng yaxshi futbolchilari:

1. Junior Stanislas (BOU) 15 points

2. José Holebas(WAT) 13 points

3. Joe AllenSTK 13 points

4. Maarten Stekelenburg(EVE) 13points

5. Theo Walcott(ARS) 12 points

Super-sardor sifatida eng ko'p tanlangan 5 futbolchi:

1. Sergio Agüero

2. Diego Costa

3. Alexis Sánchez

4. Zlatan Ibrahimovic

5. Son Heung-Min

6. Philippe Coutinho

7. Theo Walcott