Mavsumning kutilmagan 7 transferi (+FOTO)

O'z vaqtida "Barselona" darvozasini qo'riqlagan Viktor Valdes Manchesterda og'ir damlarni boshidan o'tkazdi. Avvaliga tizzadan olingan jarohat, so'ngra Lui van Gal bilan yuzaga kelgan tushunmovchiliklar sabab u zaxira posboniga aylanib qoldi. Orada ijara asosida boshqa jamoada o'ynadi. Nihoyat, mavsum boshlanishi oldidan "Midllsbro" kutilmaganda tajribali posbonni o'z safiga qo'shib oldi.

"Arsenal" bosh murabbiyi Arsen Venger hech qachon Lukas Peres haqida gapirmagan, klubning unga qiziqish bildirayotgani haqida hech qanday xabar ham malum qilinmagandi. Mavsumlar oralig'idagi tanaffusda "kanonirlar" ispaniyalik hujumchini o'z tarkiblariga qo'shib oldilar.

Navbatdagi kutilmagan transferimiz ham "Arsenal" bilan bog'liq. Faqat, bu safar londonliklar futbolchisi Jek Uilshir boshqa jamoaga ijaraga berib yuborildi. Ayni paytda futbolchi "Bornmut" safida ijara asosida to'p tepmoqda.

Jo Xart. Gvardiola "Manchester Siti" boshqaruvini qo'lga olganidan so'ng darvozabon zaxira o'rindig'iga mixlandi. Jamoadan ketishi kutilayotgan posbon kutilmaganda "Torino" safiga ijara asosida borib qo'shildi.

O'z vaqtida shov-shuvli tarzda "Bavariya"ga ko'chib o'tgan Mario Gyotcening myunxenliklar safida ishi yurishmadi. Nihoyat, u mavsum boshlanishi oldidan yana o'zining jonajon "Borussiya"siga qaytdi.

Yoz davomida braziliyalik futbolchi David Luisning PSJdan ketishi haqida umuman gap so'z bo'lgani yo'q. "CHelsi" boshqaruvini qo'lga olgan Antonio Kontega markaziy himoyachi kerak bo'lib qoldi va yakunda Luis transfer oynasi yopilishiga oz vaqt qolganda sobiq jamoasiga ko'chib o'tdi

Nihoyat mavsumning kutilmagan transferi: "Napoli" futbolchisi Gonsalo Iguain A Seriyadagi principial raqibi "Yuventus" safiga borib qo'shildi. 90 million evrolik transfer argentinalik futbolchini A Seriyaning eng qimmat futbolchisiga aylantirdi

Aziz To'xtamurodov