Azamat Abduraimov: "Kelajakda Osiyoda birinchi bo'lishimizga ishonaman"

Unga ko'ra O'zbekiston milliy terma jamoasi bir pog'ona yuqorilab 48-o'ringa chiqib oldi. Biz O'zbekiston terma jamoasi sobiq hujumchisi Azamat Abduraimovning bu boradagi fikrlari bilan qiziqdik.

"Albatta, terma jamoamizning FIFA reytingida yuqorilashi yoqimli xabar. Biz dunyoda kuchli 50talikka kirganimiz O'zbekiston hukumati va O'zbekiston futbol Federaciyasi futbolimiz rivoji uchun katta ish qilayotganidan dalolat bermoqda. O'zbek futboli to'g'ri yo'lda va rivojlanib bormoqda".

Rossiyani ortda qoldirganimiz muhim voqea. Ammo nima uchun buday bo'ldi? Bir tomondan O'zbekiston terma jamoasi Jahon chempionati saralashida muvaffaqiyatli ishtirok etib ochkolar to'plamoqda. Boshqa tomondan Rossiya terma jamoasi mundial mezboni bo'lgani uchun saralashda ishtirok etmayapti. Faqat o'rtoqlik uchrashuvlarida esa kamroq ballar beriladi. SHu bois reytingda yuqorida turibmiz, ammo bu ulardan kuchli ekanligimizni anglatmaydi.

O'ylashimcha terma jamoamiz Osiyo futboli etakchilariga qarab intilishi kerak. Axir biz Osiyo qitasidamiz. Qachon reytingda qitada birinchi bo'lsak shunda yuqori natija bo'lar edi. Bunga intilayapmiz, shaxsan men kelajakda Osiyoda birinchi bo'lishimizga ishonaman.

SHaxsiy fikrimcha, FIFA reytingiga u qadar katta etibor qaratish kerak emas. Sababi g'alaba va oltin medallargina terma jamoaning asl kuchini ko'rsatib beradi. Agar O'zbekiston terma jamoasi Rossiyadagi Jahon chempionatiga chiqsa-yu va reytingda boshqa ko'tarilmasa ham xursand bo'lardim. Mundialga chiqish haqiqiy natija bo'ladi", - deydi 1994 yilgi Osiyo o'yinlari g'olibi Azamat Abduraimov.

Narzulla Saydullaev