Temurxo'ja Abduxoliqovning yubiley goliga bitta qoldi

Agar u yana bitta to'p kiritadigan bo'lsa, bu yilgi gollari 20taga, umumiy hisobda esa 50taga etadi! Statistikaga etibor beradigan bo'lsak, Temurxo'ja Abduxoliqov 2011-2013 yillarni "Paxtakor"da o'tkazib, shu davr oralig'ida Oliy liga o'yinlarida jami 22ta gol urgan.
2011 yil -  3 gol
2012 yil - 13 gol
2013 yil - 6 gol

Hujumchi 2014 yilni Xorvatiyaning "Xayduk" klubida o'tkazgan va Toshkentga qaytgach, 2015 yilning boshida "Lokomotiv" safiga o'tgan. U o'tgan yil "Loko" tarkibida 8ta gol urgandi. Bu mavsum esa gollari soni 19ta bo'lib turibdi.
2015 yil - 8 gol
2016 yil - 19 gol (hozircha...)

CHempionat yakuniga etishiga hali beshta tur borligini inobatga olib, Temurxo'ja albatta 50talik marrani zabt etadi va undan o'tadi deb umid bildiramiz. Yana shuni qo'shimcha qilish joiz, bu yil Abduxoliqov uchun faoliyatidagi eng sermahsul mavsum bo'lmoqda. Futbolchi o'z gollari orqali "Lokomotiv" rekordchisiga ham aylanib oldi.

"Lokomotiv"ning barcha mavsum to'purarlari:

2004 yil - Marsel Idiatullin - 7ta
2005 yil - Marsel Idiatullin - 11ta
2006 yil - Marsel Idiatullin - 12ta
2007 yil - Ilhom Mo'minjonov - 5ta
2008 yil - Olim Navkarov - 9ta
2009 yil - Muzaffar Umrzoqov - 10ta
2010 yil - Aram Voskanyan, Muzaffar Umrzoqov - 3ta
2012 yil - Zayniddin Tojiev - 12ta
2013 yil - Farhod Tojiev - 17ta
2014 yil - Farhod Tojiev - 13ta
2015 yil - Sanjar SHoahmedov - 14ta
2016 yil - Temurxo'ja Abduxoliqov - 19ta (davomi bor...)