Mashg'ulotdan keyingi anshlag: muxlislar "Loko" futbolchilarini "tinch qo'yishmadi" FOTO

Kecha ertalab Buxoro shahriga etib kelgan futbolchilar kechki payt o'yin bo'ladigan stadionda mashg'ulot o'tkazishdi.

"Lokomotiv" mashg'ulotini ko'rish maqsadida ko'plab muxlislar, shuningdek, bolakaylar stadionga kelishdi. Mashg'ulot yakuniga etgach, futbolchilar muxlislar qurshovida qolib ketdilar.

Hamma birin-ketin dastxat berishga, ishqibozlar bilan esdalik suratga tushishga kirishib ketdi. Bir so'z bilan aytganda, 15-20 daqiqacha muxlislar "Lokomotiv" futbolchilarini "tinch qo'yishmadi". Bundan esa tabiiyki muxlislar xursand bo'lishdi.