Hamidjon Aktamov: “G'alaba qozona olmaganimizdan afsusdaman”
/ Kiritdi: BestMaster O'qilgan: 918
Oliy liga 26-turidan joy olgan “Qizilqum” - “Bunyodkor” jamoalari bahsidan so'ng, mezbonlar bosh menejeri Hamidjon Aktamov o'yin haqida o'z fikrlarini bildirdi.
-“Bunyodkor” - xalqaro maydonda katta tajriba orttirgan jamoalardan biri, - deya so'z boshladi Hamidjon G'ulomovich. - SHunga qaramay, bugungi uchrashuvga jiddiy hozirlik ko'rdik. Negadir oxirgi o'yinlarda jamoamizdan omad ochiqchasiga yuz o'girmoqda. Navoiyda “Nasaf” jamoasi bilan kechgan uchrashuvda ham oxirgi daqiqalarda naqd g'alabani qo'ldan chiqargandik. Bugun muxlislar jamoamizning ikki bo'limda ikki xil o'yin namoyish etganiga guvoh bo'lishdi. Birinchi bo'limda yigitlarimizga bir muncha ehtiyotkor bo'lishini tayinlagandik. Ular ko'rsatmalarimizni bexato amalga oshirishdi. Tanaffusdan keyin hujumkorlikni oshirdik. Etarlicha golli vaziyatlar sodir etildi. Ammo jamoamizda yakuniy nuqtani qo'yadigan futbolchi topilmayotganidan hayronman. O'z navbatida bugun raqib posboni ham o'z mahoratini namoyish etib, jamoasi joniga oro kirdi.
Qisqacha aytganda, bugun jamoamiz o'yinidan ko'nglim to'lgan bo'lsa-da, natijadan qoniqmadim. Havo bir muncha sovuq bo'lishiga qaramay, futbolchilarimizni uyushqoqlik bilan qo'llab-quvvatlagan muxlislarimizga katta rahmat! Ular uchun bugun g'alaba qozona olmaganimizdan afsusdaman. Ammo oldinda bir biridan muhim yana to'rtta uchrashuv kutib turibdi. Maqsadimiz ana shu o'yinlarda o'z ishqibozlarimizni quvontirishdir.
“Qizilqum” PFK Matbuot xizmati.
Qisqacha aytganda, bugun jamoamiz o'yinidan ko'nglim to'lgan bo'lsa-da, natijadan qoniqmadim. Havo bir muncha sovuq bo'lishiga qaramay, futbolchilarimizni uyushqoqlik bilan qo'llab-quvvatlagan muxlislarimizga katta rahmat! Ular uchun bugun g'alaba qozona olmaganimizdan afsusdaman. Ammo oldinda bir biridan muhim yana to'rtta uchrashuv kutib turibdi. Maqsadimiz ana shu o'yinlarda o'z ishqibozlarimizni quvontirishdir.
“Qizilqum” PFK Matbuot xizmati.
Bosh sahifaga
136