Ibrohim Rahimov: "Muxlislarimiz oldida yuzimiz yorug' bo'lganidan xursandman"

“Neftchi”ga qarshi bahs haqiqiy derbiga xos o'yin bo'ldi. Bizni bu uchrashuvda faqat g'alaba qoniqtirar edi. Yaratganga shukrki muxlislar oldida yuzimiz yorug' bo'ldi. Ko'p “derbi”larda ishtirok etganman, lekin bunisi ancha shiddatli va biroz asabiy tarzda o'tdi. “Neftchi” futbolchilari ham g'alaba qozonish uchun jon-jahdlari bilan kurashdilar. O'ylaymanki shunday o'yinlar muxlislarga yoqadi. Stadionga kelib bizni qo'llab turgan muxlislarga o'z minnatdorchiligimni bildiraman. Bu yil oldimizga qo'yilgan vazifani uddalashimizga ishonaman.

Gol urish har doim yoqimli, ayniqsa o'z muxlislaring qarshisida. Lekin g'alabada barcha jamoadoshlarimning hissasi birdek bo'ldi. Bugun maydonda harakat qilgan barcha futbolchilar borlarini berib harakat qilishdi. Biz bugun g'alabaga bo'lgan ishtiyoqimiz evaziga g'alaba qozondik – deydi  Ibrohim Rahimov.

"Qo'qon-1912" matbuot xizmati