Joze Mourinyu: "Himoyada juda oddiy va qo'pol xatolarga yo'l qo'ydik"

- Uchrashuv debyuti biz uchun yomon boshlandi. SHunga qaramay biz hisobni tenglashtirish uchun imkoniyatga ega bo'lgandik, ammo buni uddalay olmadik. Keyin esa himoyadagi navbatdagi xato gol bilan yakunlandi. Juda oddiy xatolarimiz evaziga gol qo'yvordik. Bu kabi vaziyatlarda gol o'tkazib yuborish yaramaydi.

Biz Londonga hujumkor futbol ko'rsatish uchun tashrif buyurgandik. Dastlabki goldan so'ng ochiq futbol ko'rsatish niyatimiz borligini namoyish etdik. Ammo qarshi hujumlarda o'z darvozamizdan ketma-ket gollar qo'yib yubordik. Agarda hisobni 1:2 qilolganimizda bahs butkul boshqacha scenariy ostida davom etgan bo'lardi.

Futbolda hech narsa qilmasdan raqibga tashabbusni topshirib qo'yish mumkin. Bugun shu holat ruy berdi.
Himoyada juda g'alati xatolarga yo'l qo'ydik, individual xatolar ham ancha ko'p bo'ldi. "CHelsi" esa bu xatolarimiz uchun bizni kechirmadi.

Peshqadam jamoadan 6 ochko ortda qolyapmiz. O'rtadagi farqni qisqartirishimiz uchun g'alabalar zarur. Bu esa oson qo'lga kiritilmaydi. Biz oxirgi 3ta o'yinda jamg'arishimiz kerak bo'lgan 9 ochko o'rniga 2 ochko egasiga aylandik.

"CHelsi" muxlislari meni yaxshi kutib olishdi. Ular o'zlarini odatdagidek tutishdi. Boshqacha bo'lishini kutmagandim ham.

Kontening qulog'iga nima deb pichirladim? Bu unga tegishli gaplar edi, sizlarga emas.