"Dinamo"ning 24 o'yinlik g'alabali seriyasi Andijonda to'xtatildi
/ Kiritdi: BestMaster O'qilgan: 1058
Birinchi Liga 33-turi doirasida Andijonda UzDongJu mehmoni bo'lgan Dinamo jamoasining 24 o'yinga davom etgan g'alabali seriyasi nihoyasiga etdi.
Jamoamizning g'alabali o'yinlari soni 6 oy va 6 kun davom etdi.
So'nggi marta 2-turda Yozyovonda nursiz durang qayd etib ochko yo'qotgan Dinamochilar 33-turga kelib UzDongJu bilan bahsda ham 1:1 hisobidagi murosali o'yinda ochko yo'qotishdi.
Uchrashuvni hujumkor boshlagan mezbonlar 8-daqiqada Davron Farhodovning goli evaziga hisobni ochishdi. Bunga javoban samarqandliklarning ketma-ket hujumlari 76-daqiqaga kelib o'z samarasini berdi. Tajribali himoyachi Aleksey Nikolaevning yo'llagan zarbasi Dinamoning safardan bir ochko bilan qaytishini taminladi, 1:1.
Jamoamizni navbatdagi bahsda ham muhim o'yin kutib turibdi. 26 oktyabr kuni Dinamo Haqqulobodda turnir jadvalida 2-o'rinda borayotgan Norin klubi mehmoni bo'ladi.
Birinchi Liga. 33-tur.
23 oktyabr (yakshanba)
UzDongJu (Andijon) – Dinamo (Samarqand) – 1:1
Andijon, 109 tomoshabin.
Hakamlar: D. Pislegin (Toshkent) – 8,3, F. Yarmuxamedov (Toshkent) – 8,1, S. Nishonboev (Toshkent) – 8,1.
Gollar: D. Farhodov (8) – A. Nikolaev (76).
Dinamo: Mixail Naumov, Bunyod Isroilov, Akmal Bozorov (Ubaydullo Nabiev, 16), Aleksey Nikolaev, Mirkomil Lokaev, Jonibek Ko'chimov (Islom SHaripov, 51) Omadjon Tayloqov, Iskandar Xolmirzaev (Asomiddin Mamatov, 79), Jasur Azimov, Viktor Klishin (Alisher Xoliqov, 60), Amirjon Safarov.
Nazoratchi: S. Zaylobidinov (Farg'ona).
Ogohlantirishlar: A. Abdumajidov (49), A. Komilov (56), D. Farhodov (76) – U. Nabiev (47).
Bosh sahifaga
329