SHahzod Nurmatov: "Qizilqum"ga qarshi bahsda bir qator golli vaziyatlardan foydalana olmadik"

O'yindan so'ng “qaldirg'ochlar” hujumchisi SHahzodbek Nurmatov ushbu bahs va “Lokomotiv”ga qarshi bo'ladigan ertangi O'zbekiston kubogi yarim final dastlabki uchrashuvi haqida fikr bildirdi. 

“Safarda “Qizilqum”ga qarshi kechgan uchrashuv yaxshi bo'ldi, afsuski bir qator golli vaziyatlardan foydalana olmadik. Bir tarafdan omad ham etishmadi. Raqiblarimiz himoyada tartibli o'yin ko'rsatdi. Asosiy raqobatchimiz bo'lgan “Lokomotiv” jamoasi Buxoroda mag'lub bo'ldi. Biz bundan unumli foydalana ololmadik. Ertaga “Lokomotiv” jamoasiga qarshi O'zbekiston kuboki yarim final bosqichida maydonga chiqamiz. Ushbu uchrashuvga jiddiy tayyorgarlik ko'ryapmiz. Jamoadagi barcha futbolchilar ertangi o'yinga tayyor. Nasib qilsa yaxshi natija qayd etamiz deb o'ylayman. Safarda bo'lgani bilan baribir Toshkentda to'p tepamiz”, - deydi “Bunyodkor” jamoasi futbolchisi SHahzod Nurmatov.

Jahongir Sotvoldiev