Ilhom SHaripov: "UzDongJu"ning o'yini menga maqul keldi"

“Biz bugun jiddiy qarshilikka duch keldik 1997-1998 yillarda tug'ilgan yoshlardan tashkil topgan bu jamoaning o'yini menga maqul keldi. Biz bugun g'alaba qozonmoqchi edik, lekin bunga raqib yo'l qo'ymadi. Bizda ko'plab vaziyatlar bo'ldi, raqiblarda ham bir nechta vaziyatlar bo'ldi. “UzDongJu” bizdan bir ochko tortib oldi, bu albatta tahsinga loyik.

Bu natija biz uchun yo'qotish bo'ldi, biz oxirgi oltita o'yindan uchtasini g'alaba bilan yakunlab oliy liga masalasini ertaroq hal qilmoqchi edik. Vodiy jamoalariga qarshi o'yinlarimiz doimo og'ir o'tadi. Yana bir gapni aytmoqchiman, suniy maydonda o'ynaganimiz ham bizning zararimizga xizmat qildi. Sababi bu mavsumda suniy maydonda deyarli o'ynamadik lekin buni bahona qilish noto'g'ri.

Bugun jangavor o'yin guvohi bo'ldik o'yin menga yoqdi. Ikkinchi bo'limda ko'plab vaziyatlarga yaratdik lekin amalga oshira olmadik. Bu futbolda uchrab turadigan holat. Men bu yoshartirilgan  “UzDongJu” jamoasining keyingi o'yinlarida ham omad tilayman  - deya so'zini yakunladi SHaripov.

"UzDongJu" matbuot xizmati