Jasur Abduraimov: “Natijadan ko'nglim to'ldi, ammo o'yin borasida etirozlar bor”

“Bugun g'alaba qozondik va natijadan ko'nglim to'q. Ammo, o'yin borasida etirozlarim yo'q emas. Birinchi bo'limdagi o'yinimizni ikkinchi bo'limda ko'rsata olmadik. Zaxiradan maydonga tushib, o'yinni kuchaytirishi lozim bo'lgan futbolchilar unchalik ishonchni oqlashmadi. Intizom borasida hali ishlashimiz kerak”, - deydi Abduraimov.

“Himochimizga ko'rsatilgan qizil kartochka borasida etirozim yo'q. Hakam qizil kartochka ko'rsatgan bo'lsa, demak bunga asosi bor. Hakam qarorini muhoakama qilmayman. Bu kartochka o'yinimizga tasir qilgani yo'q. Ammo, biroz intizomni mustahkkamlash kerak”, - deydi O'zbekiston yoshlar terma jamoasi bosh murabbiyi.

O'zbekiston yoshlar terma jamoasi murabbiyi shuningdek, so'nggi turda Bangladesh yoshlariga qarshi kechadigan o'yin borasida ham o'z fikrini bildirdi. “Avval ham aytganimdek, biz barcha raqiblarimizga bir xil munosabatdamiz va ularni xurmat qilamiz. Bangladesh terma jamoasining SHri-Lankaga qarshi o'yinini ko'rdim va kerakli hulosalarni chiqarib oldik. Umuman, o'yindan oldin raqibning kuchli va kuchsiz tomonlarini muhokama qilish raqibga nisbatan xurmatsizlik bo'ladi. Bangladesh terma jamoasining o'yinlari va ularning kamchiliklari haqida Bangladesh terma jamoasi murabbiyi javob bergani maqul”, - dedi Abduraimov.