Ravshan Do'rmonov: "Surxon" kelasi yil birinchi ligada o'ynaydi"

Ayniqcha, Asad va Rustam Do'rmonovni ko'pchilik yaxshi biladi. Lekin ularning kenjasi Ravshan Do'rmonov ham borligini unutmaslik kerak. Faoliyatini asosan o'zi tug'ilib o'sgan Surxondaryo futboliga bag'ishlagan 45 yoshli murabbiy o'z rejalari bilan o'rtoqlashdi.

"Ayni paytda Toshkentning "Inter" faxriylar jamoasi safida o'ynayapman. Murabbiy sifatida esa "Surxon"ni boshqaryapman. Biz uchun quvonarlisi shuki, kelasi yil "Surxon" birinchi ligada qatnashishni boshlaydi. Viloyat rahbarlari bu klubni yana qayta tiklashga kirishganlar. Bilasiz, bu jamoada o'ynaganman. Faoliyatimni eng yaxshi davrlarini aynan "Surxon"da o'tkazganman. SHu bois bu jamoa men uchun juda qadrli hisoblanadi.

Mening bosh maqsadim "Surxon"ni oliy ligaga olib chiqish. Ilgari milliy terma jamoada ham surxondaryolik futbolchilar bir nechtani tashkil etardi. Keyinchalik o'rtada uzilish bo'ldi. Mana ko'rib turibsizki, bizdan ham iqtidorli o'yinchilar etishib chiqmoqda. Birgina misol qilib Eldor SHomurodovni aytishim mumikn. Bu futbolchining kelajagi porloq, - deydi Ravshan Do'rmonov "Futbol Ekspress" gazetasiga bergan intervyusi chog'ida.