Sergey Lushan: "Hakam yaqqol penaltini belgilamadi"
/ Kiritdi: BestMaster O'qilgan: 947
O'zbekiston kubogi yarim final doirasidagi "Lokomotiv" - "Bunyodkor" (1:0) uchrashuvidan keyin tashkil etilgan matbuot anjumanining dastlabki qismida "qaldirg'ochlar" ustozi Sergey Lushan ishtirok etdi.
- "Lokomotiv"ni g'alaba bilan qutlayman. O'yin yaxshi kechdi. Biz ularga birgina imkoniyat taqdim etdik va bu gol bilan yakunlandi. Dilshod Ahmadaliev bugun o'ziga bildirilgan ishonchni oqladi. Men uning o'yinidan 99 foizga qoniqdim. Faqatgina gol bo'lgan vaziyatda etiborni qochirdi. Ahmadaliev endi katta futbol o'ynashni boshlamoqda. Bugun faqatgina o'sha gol sodir etilgan vaziyatda "yoshlik" qilib qo'ydi. Qolgan epizodlar bo'yicha bu futbolchiga etirozim yo'q.
Zaxiradan nega kech foydalandim? Hammasini o'z vaqtida bajardim. Kerak bo'lgan vaqtda o'zgarishlar amalga oshirildi.
"Lokomotiv" O'zbekistondagi eng kuchli jamoalardan sanaladi. Lekin biz bugun ularga hujum qilish imkoniyatini taqdim etmadik. Jamoamiz bugun himoyaviy o'yin uslubidan foydalandi. Birgina xato qimmatga tushdi.
Hujumlarga yakuniy nuqtani qo'yishda sust harakat qildik.
Bugun hakam yaqqol penaltini belgilamadi.
Men shuni ayta olamanki, "Bunyodkor"ning kelajagidan ko'nglim to'q.
Bosh sahifaga
237