Marat Bikmaev: Endi bor etiborimizni “Nasaf” bilan to'qnashuvga qaratamiz

“Temiryo'lchilar” jamoasi etakchilaridan biri Marat Bikmaev o'zining o'yin borasidagi fikrlarini bildirib o'tdi. 

- “Bunyodkor” asosan himoyaga tayangan holda o'yin namoyish etdi. Biz esa ko'proq oldinga borishga intildik. Bunday zich himoyani yorib o'tish oson emas. Lekin o'yin oxiriga yaqinlashgan vaziyatda bir marta bo'lsa ham raqib himoyasini yorib o'tishni uddaladik va g'alabani o'z tomonimizga og'dira oldik. 

Oxirgi uchrashuvlarda biroz muvaffaqiyatsizlikka uchrayotgan edik. Unday o'yinlar natijasini tezroq unutish va oldindagi bahslarga tayyorgarlik ko'rish lozim. Mana hozir “Bunyodkor” bilan o'yinni unutgan holda oldindagi “Nasaf” bilan to'qnashuvga bor etiborimizni qaratamiz. “Nasaf” bilan ham bizni juda qiyin o'yin kutib turgani bor gap. Lekin biz ushbu matchga ham jiddiy tayyorgarlik ko'ramiz va g'alaba qilishga urinamiz. 

Menga bazan ilk daqiqalardan, bazida esa zaxiradan o'yinga qo'shilish imkonini berishyapti. Bu borada murabbiylarimiz qarorini xurmat qilaman. Men uchun eng muhimi – zaxiradan maydonga tushsam ham, gol kiritib, jamoam muvaffaqiyatiga xissa qo'shishdir, - deydi tajribali futbolchi.