Joze Mourinyu "Manchester Yunayted"ning natijalaridan mamnun

- "Manchester Yunayted" oxirgi 7ta o'yindan faqatgina bittasida mag'lubiyatga uchradi. To'rt marotaba 1:0 hisobida yutqazgandan ko'ra bir marta 4:0ga mag'lub bo'lgan afzal.
CHunki bu holatda siz 12 ochkoni boy berasiz. Ikkinchi holatda esa faqatgina 3 ochkodan quruq qolasiz. Bu esa juda yomon emas.

"Stok Siti" bilan bo'lgan o'yinni olaylik, ha biz o'shanda durang o'ynadik. Ammo o'yin jihatidan so'nggi paytlardagi eng yaxshi futbolimizni ko'rsatdik. Bir qancha vaziyatlar yaratdik. Biz o'sha bahsda osonlik bilan 4-5ta gol urishimiz ham mumkin edi.

Jamoamiz qaytadan oyoqqa turish jarayonini boshdan o'tkazmoqda. To'g'ri tushuninglar, bitta transfer bozori orqali butun muammoni echimini topish mushkul. Yoki 3-4 oy ichida muammo hal etilib qolmaydi.
Hozir bizning diqqat-etiborimiz "Byornli"ga qarshi bo'lajak o'yinga qaratilgan. Bu to'qnashuv biz uchun oson o'tmasligi aniq.


Mxitaryan? Bazi futbolchilar yangi jamoa, muhitga tezda kirishib ketishadi. Ammo Genrix bu toifadagi futbolchi emas. Mxitaryan ikkinchi toifaga mansub. U yangi muhitga asta-sekinlik bilan moslashadigan o'yinchi. Unga vaqt kerak. SHunga o'xshash holat Di Mariya "Real"ga o'tganida yoki Villian "CHelsi"ga kelganiga ruy bergandi. Har ikkalasi ham keyin o'ynab ketishgandi.

Mxitaryan tayyor holatga kelishini kutyapman. Genrixga albatta imkoniyat taqdim etiladi.