“Lokomotiv” futbolchilari mehribonlik uyi tarbiyalanuvchilari bilan uchrashdi FOTO

SHu jumladan, “O'zbekiston Temir Yo'llari" Akciyadorlik Jamiyati va “Lokomotiv” futbol klubi ham bunga o'zining kichik hissani qo'shish maqsadida bir qator tadbirlar o'tkazib kelmoqda.

Kecha “Lokomotiv” futbol klubi tashabbusi bilan poytaxtimizdagi 23-mehribonlik uyida uchrashuv tashkil qilindi. Unga “Temiryo'lchilar” jamoasi rahbariyati va futbolchilari tashrif buyurishdi. Uchrashuv avvalida “Lokomotiv” jamoasi sardori Temur Kapadze so'zga chiqib, mehribonlik uyi tarbiyalanuvchilariga klub va futbolchilar haqida malumot berdi. So'ng bolajonlar o'zlari sevgan futbolchilarga o'zlarini qiziqtirgan savollar bilan murojaat qilishdi. Suhbat davomida Islom To'xtaho'jaev, Server Jeparov hamda Ignatiy Nesterov kabi o'yinchilar katta futbolga qay tariqa kirib kelganliklari, muhim uchrashuv va musobaqalar oldidan qanday tayyorgarlik olib borishlari hamda yosh bolalarning o'zlari kabi mashhur sportchi bo'lib etishish uchun nimalar qilishlari lozimligi haqida gapirib o'tishdi.

Uchrashuv so'nggida “Lokomotiv” azolari mehribonlik uyi tarbiyalanuvchilariga turli xil sovg'a-salom va sport anjomlarini taqdim qilishdi. SHuningdek, shiringina bolajonlar o'zlari havas qiladigan futbolchilar bilan esdalik uchun suratga tushish imkoniga ega bo'lishdi. Mehribonlik uyi rahbariyati va tarbiyalanuvchilari “O'zbekiston Temir Yo'llari” Akcionerlik kompaniyasi hamda “Lokomotiv” futbol klubiga omad tiladilar. Ushbu tashrif sababchilaridan biri mehribonlik uyi jismoniy tayyorgarlik bo'yicha instruktori Jamshid Asadov bo'ldi.

Bilasiz, o'zbek xalqi azaldan bolajon xalq. Bizning kelajagimiz bo'lmish bolajonlarni har tomonlama qo'llab-quvvatlash xalqimizning eng ajoyib fazilatlaridan biri. “Lokomotiv” futbol klubi bu kabi tadbir va uchrashuvlar tashkil etishda davom etadi. Zero, bunday tadbirlardan maqsad farzandlarimizning kelajakda Vatanimiz sharafini himoya qiladigan, bayrog'ini halqaro maydonlarda yuqoriga ko'taradigan insonlar bo'lib etishishida oz bo'lsa ham ulush qo'shishdir.