Osiyo mamlakatlari chempionati: Bahrayn
/ Kiritdi: BestMaster O'qilgan: 1084
Bahrayn qitamizda birinchilardan bo'lib milliy chempionatini yo'lga qo'ygan mamlakatlardan hisoblanadi.
Bahrayn chempionati ilk bor 1956 yil o'tkazilgan. Hozirgacha "Muharraq" 33, "Riffa" 11, "Bahrayn" va "Al Ahli" klublari 5 martadan chempionlikni qo'lga kiritishgan. Ayni paytda ligada 10 jamoa oltin medallar uchun kurash olib boradi. Bahslar ikki davrali tizimda o'tkaziladi. So'nggi pog'onani egallagan klub birinchi liga g'olibi bilan o'tish bahsida ishtirok etadi. Birinchi ligada esa 9 klub ishtirok etadi. Mavsum kuz - bahor tizimida tashkil etilgan.
CHempionat uchrashuvlari kamligi sababi Bahraynda ikkita kubok musobaqasi borligi bilan bog'liq. Bahrayn FA Kubogida 17-18 klub ikki guruhga bo'lingan holda qatnashadi. Tomonlar bir martadan to'qnash keladi. Guruhlarda yuqori ikki pog'onani band etgan jamoalar yarim finalga yo'l olishadi.
Qirol Kubogi esa pley-off bosqichidan iborat turnir hisoblanib, unda Premer va birinchi liga klublari quraga ko'ra kurash olib borishadi. SHu tariqa har ikki kubok musobaqasida jamoalar kamida 10tadan uchrashuvda maydonga tushadilar.
O'tgan mavsumda "Muharraq" klubi safida hamyurtimiz SHohrux Gadoev maydonga tushib, bu mamlakatda to'p tepgan birinchi o'zbek futbolchisiga aylangandi.
Bahrayn chempionati. Musobaqa jadvali
Bahraynning barcha chempionlari:
"Al Muharraq" - 33 marta
"Al Riffa" - 11
"Bahrayn", "Al Ahli" - 5
"Arabi", "Al Xala", "Al Nasr", "Ist Riffa", "Busaytin", "Al Xidd" - 1
Bosh sahifaga
121