Diego Maradona 56 yoshga to'ldi

1960 yilning 30 oktyabr sanasida Argentinaning Buenos-Ayresning Lanus shaharchasida tug'ilgan chaqaloqqa Diego Armando deb ism qo'yishdi.

Kelajakda bu chaqaloq 1986 yilda Jahon chempioni, 1990 yilda Jahon vice-chempioni bo'ladi. To'rtta mundialda ishtirok etadi. 1979 yilda yoshlar o'rtasidagi Jahon chempionatida g'olib chiqadi. 1986 yilgi mundialning eng yaxshi futbolchisi deb topiladi. "Boka Xuniors" safida Argentina, "Napoli" tarkibida Italiya chempioni bo'ladi. "Barselona" bilan birga Ispaniya kubogi va Ispaniya Superkubogini qo'lga kiritadi.

FIFA rasmiy saytida o'tkazilgan so'rovnomada 20-asrning eng yaxshi futbolchisi deb topiladi.