Abror Xusinov: "Oliy ligada qolish uchun imkoniyatimiz bor"

- Bellashuvning boshidayoq gol o'tkazib yuborganimiz yaxshi bo'lmadi. CHunki bunday kutilmagan gollar o'yining borishiga salbiy tasir qiladi. "SHo'rtan" uchinchi daqiqadayoq hisobni ochgan bo'lsa-da, qolgan vaqt mobaynida biz raqibdan etarlicha ustunlik qildik. Mezbonlar darvozasi oldida juda ko'p xavfli vaziyatlarni yuzaga keltirdik. Nafaqat durang, balki g'alaba qozonishimiz ham mumkin edi. Biroq omadimiz kelmadi.

Vaziyatlarning hech biridan unumli foydalana olmadik. Futbolda yozilmagan qoida bor: sen urmasang, senga urishadi.  Aytish kerak, mazkur bahsda to'rt nafar jamoadoshim maydonga tusha olmadi. Tabiiyki, ularning yo'qligi ham bilindi. Hali hammasi oldinda. Oliy ligada qolish uchun imkoniyatimiz bor. SHunday ekan, oxirigacha, qo'ldan kelgancha harakat qilamiz.