SHtilike nima uchun O'zbekiston bilan o'yinga 25 nafar futbolchi chaqirdi?
/ Kiritdi: BestMaster O'qilgan: 1017
Janubiy Koreya bosh murabbiyi Uli SHtilike Kanada va O'zbekiston bilan o'yinlar uchun 25 nafar futbolchini chaqirdi.
"Birinchi marta 25 nafar futbolchini terma jamoa yig'iniga jalb qildim. Kanada bilan o'rtoqlik uchrashuvida ichki raqobatni oshirishni urinaman. O'zbekiston bilan ijobiy natija uchun kurashamiz", - deydi SHtilike english.chosun.com nashriga.
Sentyabr oyidagi ikkita o'yinga bosh murabbiy mumkin bo'lgan 23 nafar futbolchi o'rniga 20 nafar futbolchini chaqirgandi. O'shanda SHtilike jurnalistlarning nima uchun kam futbolchi chaqirdingiz degan savoliga faqat 11 nafar futbolchi maydonga tushishi mumkinligi bilan javob bergandi. Biroq dastlabki ikki bahsdan so'ng u 23 nafar o'yinchini chaqirgandi. Hozirda esa chaqiruv olgan futbolchilar soni 25 nafarga etdi. Kanada va O'zbekiston bilan o'yinlar uchun chaqirilgan futbolchilar ro'yxati bilan tanishing. HAVOLA
Janubiy Koreya terma jamoasi dastlabki 4ta o'yindan so'ng 2 g'alaba, 1 durang va 1 mag'lubiyat qayd etib uchinchi o'rinda bormoqda.
Eslatib o'tamiz, Janubiy Koreya - O'zbekiston uchrashuvi 15 noyabr kuni Seul shahrida bo'lib o'tadi.
Bosh sahifaga
85