“Lokomotiv-2006” xotira turnirida g'alaba qozondi
/ Kiritdi: BestMaster O'qilgan: 949
O'zbekiston Faxriylar kengashi tashabbusi bilan 2006-2007 yillarda tavallud topgan yosh futbolchilar ishtirokida futbol musobaqasi o'tkazildi.
Futbol faxriylari hisoblangan O'zbekistonda xizmat ko'rsatgan murabbiy M. Akbarov, sport ustasi P. Otaxonov, sport ustasi K. Muqimov xotiralariga bag'ishlab o'tkazilgan ushbu musobaqada “Lokomotiv”ning 2006 yilda tug'ilgan yosh futbolchilari bosh sovrinni qo'lga kiritishdi. “Lokomotiv-2006” dastlab guruhda “Qorasaroy” (1:0) hamda “Uz Teks” (2:1) jamoalarini mag'lub etib, birinchi o'rinni egalladi.
So'ng finalda bosh sovrin uchun “Uchtepa” jamoasiga qarshi bahs olib borildi. Asosan yosh “Temiryo'lchilar” ustunligi ostida kechgan bahsda 6:0 hisobi qayd etildi va "Lokomotiv" musobaqa bosh sovriniga ega chiqdi.
Bosh sahifaga
196
