Prevyu. “Nasaf” – “Neftchi"

Bugun ham shunday qiziqarli uchrashuvlardan biri jamoa ishtirokida G'uzorda bo'lib o'tadi.
 
“Nasaf” – “Neftchi” uchrashuvi atrofida bo'layotgan taxmin va farazlar ham turlicha. Takidlash joizki, bo'lajak uchrashuvning natijasi ko'pchilikning etiborida bo'lib turibdi. To'g'ri, jamoamizning ochko yo'qotishidan foydalanib qoladigan jamoalar ham bor. Ammo “Nasaf”ning endi ochko yo'qotishiga haqqi yo'q. CHunki, chempionat davomida qilingan shuncha mehnat va harakatlar uchun ham, mavsumni ko'ngildagidek yakunlash talab etiladi. Bu masuliyatni “ajdarlar”ning har biri his qilib turishibdi.  
 
Ko'pchilikning taxminiga ko'ra, bugun yaqqol ustunlik "Nasaf" tomonida bo'ladi. Bunday taxminlar qilishga asos, “ajdarlar”ning o'tgan turlarda ko'rsatayotgan professionallarga xos o'yinlari bo'lmoqda. SHunday bo'lishiga hammamiz ham ishonamiz. Futbolchilar bunday ishonchni oqlashga munosiblar.
 
Albatta, “Neftchi” jamoasi ham Qarshidan ijobiy natija bilan qaytishga bor imkoniyatini ishga solishi turgan gap. Yuqorida takidlaganimizdek endi har bir ochko katta bahoga ega.
 
Bu holat, o'z-o'zidan uchrashuvning murosasiz va kurashlarga boy bo'lishiga olib keladi. Bundan faqat futbol ishqibozlari yutishi turgan gap. CHunki ular qiziqarli futbol uchrashuviga guvoh bo'lishadi.
 
“Nasaf” – “Neftchi” uchrashuviga oid bazi faktlarni yana bir bor eslatib o'tsak. Jamoalar bugun o'zaro 40-marta hisob-kitob qilishadi. O'tkazilgan 39 uchrashuvda jamoalar bir xil 15 martadan g'alabaga erishishgan. Qolgan 9 uchrashuvda murosa ko'chasi tanlangan. To'plar nisbatidagi kichik ustunlik "Nasaf" tomonida - 50:48.
 
Jamoalar Qarshida bo'lib o'tgan 19 uchrashuvda o'zaro bahs olib borishgan. Bo'lib o'tgan 12 uchrashuvda “Nasaf”ning qo'li balan kelgan, 6 uchrashuvda farg'onaliklar g'alabaga erishgan. Qolgan birgina uchrashuvda durang natija qayd etilgan. Qarshida o'tkazilgan uchrashuvlarda darvozalarga jami 51ta gol kiritilgan. To'plar nisbati 33:18ni tashqil etmoqda. Ustunlik “Nasaf” tomonida.
 
Eslatib o'tamiz, uchrashuv bugun soat 16:00da G'uzor shahridagi “G'uzor” markaziy stadionida boshlanadi.
 
Muxlislarini esa har doimgidek stadionga chorlab qolamiz.