SHoxruz Norxonov: “Oliy ligada qolish yoki qolmasligimizni “Andijon” bilan bo'ladigan o'yin xal qiladi”

Ushbu turda “Obod” klubi o'z uyida “Olmaliq” jamoasini qabul qilib o'zi uchun kerakli bo'lgan 3 ochkoni qo'lga kiritdi. Bahsdan so'ng “Obod” klubi hujumchisi SHoxruz Norxonov o'z fikrlarini bildirib o'tdi.

“Biz uchun ushbu 3 ochko oltinga teng bo'ldi. Sanjar Rihsiboev raqib darvozasini ishg'ol qilganidan so'ng jamoadoshlarim ruhlanib ketdi. Birinchi bo'limda raqiblarimiz bir kishi kam bo'lib qolishdi. Ikkinchi bo'limda ham yana bir “Olmaliq” futbolchisi hakam tomonidan chetlatildi. G'alabani qo'lga kiritishimizda ushbu chetlatishlar yordam berdi, deb o'ylayman. Uchrashuvda ko'plab vaziyatlar yaratdik, ammo ulardan unumli foydalana olmadik. G'alaba qozonganimizdan xursandman. “Andijon” bilan bo'ladigan o'yin oliy ligada qolish yoki qolmasligimizni xal qiladi”, - deydi “Obod” jamoasi futbolchisi SHoxruz Norxonov.

Jahongir Sotvoldiev