Ilhom Mo'minjonov “Navbahor” bosh murabbiyi
/ Kiritdi: BestMaster O'qilgan: 1164
Bundan biroz vaqt oldin “Markaziy” o'yingohning majlislar zalida “Navbahor” futbol klubi rahbariyati, murabbiylar shtabi va jamoa azolari ishtirokida yig'ilish bo'lib o'tdi.
Mazkur yig'ilishda “Navbahor” jamoasining joriy yilgi mavsumdagi omadsiz qatnashuvi ko'rib chiqildi. Jamoaning chempionatdagi ishtiroki qoniqarsiz bo'lganligi sabab murabbiylar shtabida faoliyat yuritgan bosh menedjer Ravshan Bozorov, bosh murabbiy Rustam Do'rmonov, murabbiylar Fayzullo Ahmedov va Arslon Tolipovlar istefoga chiqarildi. Yig'ilishda jamoa azolariga yangi bosh murabbiy sifatida Ilhom Mo'minjonov tanishtirildi. Mo'minjonovga murabbiylar shtabida o'zi bilan “Paxtakor”da ishlagan Vladimir Andreev va jamoamiz yoshlari bilan ishlab kelayotgan Durbek Umaralievlar yordam berishadi.
Futbolchilik faoliyatida davomida Ilhom Ibragimovich “Navbahor” sharafini himoya qilganligidan ko'pchilik muxlislarimizning xabarlari bor. Hujumchi sifatida to'p surgan Mo'minjonov 2003 yilgi mavsumni aynan “Navbahor”da o'tkazgan. Bundan tashqari u “Traktor”, “Lokomotiv”, “Bunyodkor” kabi jamoalarida ham to'p surgan. Jarohat tufayli faoliyatini barvaqt yakunlashga majbur bo'lgan Mo'minjonov keyinchalik murabbiylik sohasida ish boshlagandi. Murabbiylik faoliyati davomida “Bunyodkor” va “Paxtakor” futbol klublari akademiyasida ish yuritgan keyinchalik “NBU-Osiyo” va “Paxtakor” yoshlar jamoalarida ishlagan. 2014 yildan shu kungacha “Paxtakor” jamoasi murabbiylar shtabida faoliyat yuritib kelayotgandi.
Bosh sahifaga
438
