Ilhom Mo'minjonov: "Navbahor"ni oliy ligada olib qolish uchun keldim"

"Navbahor" jamoasini boshqarishga rozilik berganim rost. Bu klub hali O'zbekiston oliy ligasidan hech qachon tushib ketmagan. Bizning vazifamiz jamoani elitada saqlab qolishdan iborat. Bu borada men bor kuchimni ishga solaman. Viloyat hokimi bilan suhbatda men erkin ishlashim uchun sharoit qilib berishlarini aytdim. Hokim esa menga erkinlik yaratib berdi. Endi qisqa muddat ichida vazifani bajarishimiz kerak", - deydi Ilhom Mo'minjonov "Futbol Ekspress" gazetasiga bergan intervyusi chog'ida.