Turkmaniston murabbiyi: "Tojikiston rivojlanayotgan jamoa"

SHu munosabat bilan bugun, 8 noyabr kuni, Toj-Palas mehmonxonasining matbuot anjumanlari zalida o'yinoldi matbuot anjumani bo'lib o'tadi. Mehmonlar bosh murabbiyi Amanqilich Kochumov kasalligi tufayli unda ishtirok eta olmadi. Uning o'rniga yordamchi murabbiy CHoriyarguli Seydiev va "Olmaliq" klubi yarim himoyachisi Arslonmurot Omonov o'z fikrlarini bildirishdi. Bu haqda fft.tj sayti xabar berdi.

- Avvalo Amanqilich Kochumov matbuot anjumaniga kela olmagani uchun uzr so'rayman. Uning issig'i chiqqani uchun bu erda emas. Umid qilamanki ertaga jamoani o'zi maydonga boshlab tushadi.

Tojikiston bilan o'yinga kelsak bu bahsni biz 2019 yilgi Osiyo kubogi saralash bahslariga tayyorgarlik sifatida ko'rayapmiz. Dushanbega eng kuchli tarkibni olib keldik. Jamoamizda 4 nafar legioner bor, ular CHexiya va O'zbekiston chempionatlarida o'ynashadi. Legioner futbolchimiz Ruslan Mingazovning o'yinda ishtirok etishi so'roq ostida turibdi. Uning sonida jarohat bor va mashg'ulotni o'tkazib yubordi.

Tojikiston terma jamoasi kuchli va rivojlanayotgan jamoa, ular tezkor futbol o'ynashadi, oxirigacha kurashadi.  Yaxshi o'yin ko'rsatishga urinamiz.

 

Arslonmurot Omonov, Turkmaniston terma jamoasi sardori:

- O'rtoqlik o'yinlarida jamoa oldida hech qanday aniq vazifa bo'lmaydi. Biz Osiyo Kubogi-2019 final bosqichiga chiqmoqchimiz. Tojikiston juda yaxshi jamoa, ular oxirgi paytlarda ancha kuchayishdi va bir qator etakchi jamoalar bilan o'rtoqlik uchrashuvlari o'tkazishdi. Ertaga ikkala tomon uchun ham keskin bahs bo'ladi deb o'ylayman.