Anchelotti dunyoning eng kuchli uchta hujumchisi nomini aytdi

- Kingsli Komanning kelajagi "Bavariya"da. Biz unga ishonyapmiz. Komanni "Yuventus"ga qaytarmaymiz.
Benatiya? Futbolchi Italiyaga qaytishni istagandi va uning istagini qondirdik. Benatiyaning o'yiniga yoki kuchiga hech qachon shubha bilan qaramaganman.

Iguainning transfer narxi? "Yuventus" "Napoli"ga to'lagan pullariga kuymadi. Iguainning transfer qiymati to'g'ri baholandi, deb o'ylayman. Iguain singari hujumchilar juda qimmat turadi. Dunyodagi uchta eng kuchli markaziy hujumchilar bular - Iguain, Suares va Levandovski.

Neymar va Dibala Messi hamda Ronalduning merosxo'rlari bo'lishi mumkin. Paulo yaqin yillar ichida "Yuventus"ning yangi tarixini yaratadi.

Evropa chempionlar ligasida ushbu mavsumda "Bavariya", "Yuventus", "Real", "Barselona", "Atletiko", "Manchester Siti" va PSJ jamoalari g'oliblik uchun kurashadi. SHaxsan men "Yuventus" bilan yarim finalda uchrashishni istardim.

Galliani? Men klubga futbolchilarni taklif qilaman, ammo menejerlarni tanlash meni vakolatimga kirmaydi. Galliani "Milan"ning tarixini yaratgan ajoyib mutaxassis sanaladi. Gallianining "Bavariya"ga kelishi haqida biror narsa deya olmayman.